एनआरएनए उपाध्यक्ष राधिका गुरुङ नेतृत्वको प्रतिनिधीमण्डल र मन्त्री सीता बादीबीच भेटघाट
बालबालिका संरक्षण र महिला सशक्तीकरणमा सहकार्यको प्रतिबद्धता
- बैशाख ३, २०८३
- 0
काठमाडौं । गैरआवासीय नेपाली संघ (एनआरएनए) का महिला उपाध्यक्ष राधिका गुरुङ (टिका)को नेतृत्वमा आएको प्रतिनिधिमण्डलले महिला, बालबालिका तथा ज्येष्ठ नागरिक मन्त्री सीता बादीसँग शिष्टाचार भेटघाट गरेको छ।
भेटका क्रममा संघले सडक बालबालिकाका लागि सञ्चालन गरिरहेको विभिन्न परियोजनाहरूको प्रगति तथा प्रभावबारे मन्त्री बादीलाई जानकारी गराएको थियो। उक्त परियोजनामार्फत सडकबाट उद्धार गरिएका ५० जना बालबालिकाको संरक्षण, शिक्षा तथा पुनर्स्थापनामा सहयोग उपलब्ध गराइएको जनाइएको छ।
यसैगरी, आगामी महिला विश्व सम्मेलनको तयारीबारे पनि मन्त्रीसमक्ष जानकारी प्रस्तुत गरिएको थियो। सम्मेलनलाई सफल बनाउन भइरहेको तयारी र अपेक्षित अन्तर्राष्ट्रिय सहभागिताबारे प्रतिनिधिमण्डलले आफ्नो योजना राखेको थियो।
भेटका क्रममा मन्त्री बादीले संघका गतिविधिहरूको प्रशंसा गर्दै सरकारका तर्फबाट आवश्यक सहयोग सधैं रहने प्रतिबद्धता व्यक्त गर्नुभयो। उहाँले विशेषगरी महिला, बालबालिका तथा ज्येष्ठ नागरिकको हितमा गरिने कार्यक्रमहरूमा सहकार्यलाई अझ सुदृढ बनाइने बताउनुभयो।
उक्त भेटमा उपाध्यक्ष रोजिना प्रधान राई, महिला संयोजक रश्मि थापा, युरोप क्षेत्रीय महिला संयोजक राधा सिग्देल, एसिया–प्रशान्त क्षेत्रीय महिला संयोजक संगीता सुबेदी अधिकारी, प्रमुख कार्यकारी अधिकृत राजेन्द्र कुमार राउत तथा वरिष्ठ अधिकृत कुनाल मिश्रको समेत उपस्थिति रहेको थियो।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
