पहिरोका कारण बीपी राजमार्ग बन्द

अशोज ९, २०८३
0

रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ ।

वर्षाका कारण सडकमा लेदो तथा पहिरो खसेपछि राजमार्गको यातायात आवागमन प्रभावित भएको हो । सडक अवरुद्ध भएपछि यात्रु तथा सवारीसाधनलाई आवत—जावतमा कठिनाइ भएको छ ।

यसैबिच, काभ्रे जिल्लास्थित रोशी खोला पनौती जलमापन केन्द्रमा जलसतहले सतर्कता तह पार गरी निरन्तर बढ्दो क्रममा रहेको जनाइएको छ ।

जलसतह बढिरहेको अवस्थालाई मध्यनजर गर्दै तल्लो कटान तथा डुबान हुन सक्ने क्षेत्रमा बसोबास गर्ने नागरिकहरूलाई उच्च सतर्कता अपनाउन आग्रह गरिएको छ । प्रहरीले सम्भावित जोखिमलाई ध्यानमा राखी आवश्यक सावधानी अपनाउन समेत अनुरोध गरेको छ ।