आज एनआरएनएमा ऐतिहासिक एकताको घोषणा
सञ्चार मन्त्री खरेलको विशेष पहल तथा प्रधानमन्त्रीको उपस्थितीमा एकता घोषणा हुदै
- रोजगारमञ्च
- मंसिर १३, २०८२
- 0
विश्वभर छरिएर रहेका नेपालीहरुको छाता संगठनको रुपमा सन् २००३ मा स्थापना भएको गैरआवासीय नेपाली संघ (एनआरएनए)को पछिल्लो ४ वर्षदेखि कायम विवादै विवाद तथा फुटको अवस्था आजबाट समाप्त भएको छ ।
विभिन्न आरोह–अवरोह, मुद्धा–मामिला र बेमेलमा रुमल्लिएको संघ आजबाट ऐतिहासिक मोडतर्फ उन्मुख हुने भएको हो । उच्चस्तरीय समितिमार्फत एनआरएनएको अध्यक्ष चुनिएका महेश कुमार श्रेष्ठ र ११ औ अधिवेशनबाट निर्वाचित अध्यक्ष डा. बद्री केसीबीच एकता घोषणा हुने भएसँगै संघ ऐतिहासिक मोडतर्फ उन्मुख हुने भएको हो ।
आज प्रधानमन्त्री तथा मन्त्रीपरिषदको कार्यालयमा प्रधानमन्त्री शुशिला कार्कीको उपस्थितमा श्रेष्ठ र केसीले एकता भएको घोषणा गर्दै छन ।
पछिल्लो केहीवर्ष यता एकताका लागि विभिन्न प्रयास भएपनि त्यसले सार्थकता पाउन सकेको थिएन । तथापी वर्तमान सरकारका प्रवक्तासमेत रहेका सञ्चार तथा सूचना प्रविधि मन्त्री जगदिश खरेलको निरन्तर प्रयासका कारण अन्ततः एनआरएनएमा भएको विवाद अन्त्य हुने भएको हो ।
आज हुने एकता घोषणा पछि ११ औं महाधिवेशनबाट निर्वाचित डा.बद्री केसीको नेतृत्वलाई स्वीकार गर्दै एकताको महाधिवेशनबाट निर्वाचित अध्यक्ष महेश श्रेष्ठलाई पनि अपरान्ह संघको सचिवालयमा औपचारिक रूपमा संघको नेतृत्वमा पदस्थ गराइने भएको छ ।
तथापी ऐतिहासिक एकता घोषणा भैरहदा आगामी दिनमा पुनः संस्थालाई फुटबाट जोगाउन र पछिल्लो ४ वर्षदेखिको विवाद मनैबाट हटाउदै एनआरएनएको शाख पुरानै अवस्थामा फर्काउन भने धेरै चुनौती बाकी नै रहेका छन ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
