थ्री नेसन्स कपः आज नेपाल र भुटान भिड्दै
- चैत्र १४, २०७९
- 0
नेपालमा जारी प्रधानमन्त्री थ्री नेसन्स कप फुटबल प्रतियोगिता अन्तर्गत आज मंगलबार घरेलु टोली नेपाल र भुटान भिड्दैछन् ।
काठमाडौंको त्रिपुरेश्वरस्थित दशरथ रंगशालामा हुने खेल साँझ ६ बजेबाट सुरु हुनेछ ।
प्रतियोगिता अन्तर्गत नेपाल र भुटान दुबैको यो दोस्रो खेल हो । यसअघि नेपालले पहिलो खेलमा लाओसलाई २–० ले पराजित गरेको थियो भने भुटान लाओससँग २–१ गोल अन्तरले पराजित भएको थियो ।
आज हुने खेलले उपाधिका लागि भिड्ने दुई टोलीको टुंगो लाग्ने छ । आजको खेलमा नेपालले भुटानलाई पराजित गरे सिधैं फाइनलमा स्थान बनाउनेछ ।
प्रतियोगितामा एक खेल खेल्दै नेपाल तीन अंकसहित शीर्ष स्थानमा रहेको छ भने लाओस दुई खेल खेल्दै तीन अंकसहित दोस्रो स्थानमा रहँदा एक खेल खेलेको भुटानले अंक जोड्न सकेको छैन् ।
फिफा विन्डो अन्तर्गत सिंगल राउण्ड रोबिनको आधारमा भइरहेको प्रतियोगिताको शीर्ष दुई टोलीले उपाधिका लागि चैत १७ गते खेल्नेछ ।
प्रतियोगिताको विजेताले ५ हजार अमेरिकी डलर प्राप्त गर्नेछ भने उपविजेता टोलीले ३ हजार डलर प्राप्त गर्ने अखिल नेपाल फुटबल संघ (एन्फा)ले जनाएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
