यू-१९ क्रिकेट : युएई माथि जित निकाल्दै नेपाल विश्वकपमा छनौट
- फाल्गुन १८, २०७९
- 0
आईसीसी यू–१९ विश्वकप एसिया क्षेत्र छनोट अन्तर्गतको खेलमा नेपालले युएईविरुद्ध ७ रनको रोमाञ्चक जित निकालेको छ ।
नेपालले दिएको १ सय ९२ रनको लक्ष्य पछ्याएको युएई ४८ ओभरमा १ सय ८४ रनमा अलआउट भएको हो । प्रतियोगितामा अपराजित रहेको नेपाल च्याम्पियन बन्दै सन् २०२४ मा श्रीलंकामा हुने यु–१९ विश्वकपमा छनौट भएको छ।
हार नजिक पुगेको नेपालका लागि दिपेश कँडेलले ह्याट्रिक विकेट लिएपछि च्याम्पियन बन्ने अवसर प्राप्त भएको हो । २ ओभरमा जम्मा ७ रन चाहिएको अवस्थामा कँडेलले लगातार तीन विकेट लिएका हुन्।
कूल ५ विकेट लिएका कँडेल प्लेयर अफ दि म्याच घोषित भए। सुवास भण्डारी र हेमन्त धामीले २-२ विकेट लिएका लिए।
यसअघि अजमानस्थित इडेन गार्डेन ओभलमा टस जितेर पहिले ब्याटिङ रोजेको नेपालले ४८ दशमलव ५ ओभर खेल्दै १ सय ९१ रन बनाएको थियो । नेपालका लागि देव खनालले सर्वाधिक ५१ रन बनाए।
विशाल विक्रम केसीले ३८, उत्तम थापा मगरले ३६, दिपेश कँडेलले १५, हेमन्त धामीले १३ र मिलन बोहराले १० रन बनाए । अरू खेलाडीले दोहोरो अंकको रन जोड्न सकेनन्।
नेपालले सन् २०१६ देखि यू-१९ विश्वकपमा स्थान बनाउन सकेको थिएन। सन् २०१८, २०२० र २०२२ गरी नेपालले तीन वटा यू-१९ विश्वकप गुमाइसकेको थियो।
सन् २००० मा पहिलो पटक यू-१९ विश्वकप खेलेको नेपालले त्यसपछि २००२, २००४, २००६ र २००८ गरी लगातार पाँच विश्वकप खेलेको थियो।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
