प्रि–सिजनको पहिलो खेलमा बार्सिलोना विजयी
- साउन १३, २०७५
- 0
स्पेनिस क्लब बार्सिलोनाले इंग्लिस क्लब टोटनह्यामलाई हराएको छ । प्रि–सिजन टुरमा अमेरिकामा रहेका दुई टोलीबीच इन्टरनेशन च्याम्यिनकप अन्तर्गतको खेलमा बार्सिलोनाले टोटनह्यामलाई पेनाल्टी सुटआउटमा हराएको हो ।
प्रिसिजनको पहिलो खेलमा जित दर्ता गर्ने क्रममा बार्सिलोनाले पेनाल्टी सुटआउटमा टोटनह्यामलाई ५–३ गोलले हराएको हो । निर्धारित ९० मिनेटको समयमा दुवै टोलीले २–२ को बराबरी खेलेपछि खेल पेनाल्टी सुटआउटमा पुगेको थियो ।
खेलको १५ औं मिनेटमा रफिन्हाको पासमा मुनिरले गोल गर्दै बार्सिलोनालाई अग्रता दिलाए । २९ औं मिनेटमा रफिन्हाकै पासमा आर्थरले गोल गरेपछि बार्सिलोनाले दुई शुन्यको अग्रता बनायो । यही सिजन ब्राजिलबाट बार्सिलोना आएका आर्थरले पहिलो खेलमै गोल गरेका हुन् ।
पहिलो हाफमा २–० ले अगाडी रहेको बार्सिलोना माथि दोस्रो हाफमा टोटनह्यामले २ गोल गर्यो । ७३ औं मिनेटमा ससुन ह्युङ मिन र ५७ औं मिनेटमा कोउडुले गोल गरेपछि खेल २–२ को बराबरीमा पुग्यो । त्यसपछि दुवै टोलीले गोल गर्न सकेनन् र खेल पेनाल्टीमा धकेलियो । पेनाल्टीमा बार्सिलोनाले ५ गोल गर्दा टोटनह्यामले ३ गोल गरेको थियो
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
