चीन भ्रमणका लागि बेइजिङ पुगे परराष्ट्रमन्त्री खनाल
- जेष्ठ ३१, २०८३
- 0
काठमाडौं । परराष्ट्रमन्त्री शिशिर खनाल चारदिने औपचारिक भ्रमणका लागि चीनको राजधानी बेइजिङ पुगेका छन्। उनी चिनियाँ विदेशमन्त्री वाङ यीको निमन्त्रणामा चीन भ्रमणमा गएका हुन्।
बेइजिङ पुगेपछि मन्त्री खनाललाई चीनका लागि नेपाली दूतावासका कार्यवाहक राजदूत र चिनियाँ विदेश मन्त्रालयका प्रतिनिधिले स्वागत गरेका छन्। भ्रमणको पहिलो दिन नेपाली दूतावासले आयोजना गर्ने कार्यक्रममा उनले त्यहाँ रहेका नेपाली समुदायसँग पनि भेटघाट गर्ने कार्यक्रम छ।
भ्रमणका क्रममा मन्त्री खनाल र उनका चिनियाँ समकक्षीबीच नेपाल–चीन द्विपक्षीय सम्बन्ध, पारस्परिक सहयोग र साझा हितका विषयमा औपचारिक वार्ता हुने तय भएको छ। साथै उनले चीनका अन्य उच्च अधिकारीसँग पनि शिष्टाचार भेट गर्नेछन्।
भ्रमण अवधिमा बेइजिङमा आयोजना हुने लगानी प्रवर्द्धन कार्यक्रममा सहभागी हुँदै उनले चिनियाँ लगानीकर्ता तथा व्यवसायीहरूसँग पनि छलफल गर्ने कार्यक्रम रहेको छ। परराष्ट्रमन्त्री खनाल असार ३ गते नेपाल फर्किने कार्यतालिका छ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
