ट्रेड युनियन र विद्यार्थी संगठन खारेज गर्न नहुने नेकपाको निष्कर्ष
- चैत्र २८, २०८२
- 0
काठमाडौं । नेपाली कम्युनिस्ट पार्टी (नेकपा)ले ट्रेड युनियन र विद्यार्थी संगठनहरूलाई खारेज गर्न नहुने निष्कर्ष निकालेको छ ।
शनिबार पार्टी कार्यालय पेरिसडाँडामा बसेको केन्द्रीय कार्यसंयोजक समितिको बैठकले ट्रेड युनियन र विद्यार्थी संगठनहरुलाई प्रतिबन्ध लगाइँदा उनीहरूको अधिकार कुण्ठित हुने निष्कर्ष निकालेको नेता जगन्नाथ खतिवडाले जानकारी दिए ।
उनका अनुसार यस्तो कदम स्वीकार्य नहुने र पार्टी यसको विपक्षमा उभिने निर्णय गरिएको छ । साथै, बैठकमा देशको समसामयिक परिस्थिति, सरकारको क्रियाकलाप, पार्टीको आगामी कार्ययोजना लगायतको विषयमा छलफल भएको बताउँदै उनले अर्को बैठक वैशाख ३ गते बस्ने र निर्णयहरु सार्वजनिक गरिने बताए ।
सरकारले आफ्नो १०० बुँदे कार्यसूचीमा विद्यार्थी संगठनहरू खारेज गर्ने विषय समावेश गरेपछि राजनीतिक दल तथा विभिन्न संगठनहरूले आपत्ति जनाउँदै आएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
