आफ्नो देशमा लगानी गरी समृद्धिमा टेवा दिन कतारका व्यवसायीलाई ढकालको आग्रह
- पुस २२, २०८२
- 0
दोहा, नेपाल उद्योग वाणिज्य महासंघका अध्यक्ष चन्द्रप्रसाद ढकालले प्रवासमा रहेका व्यवसायी तथा नेपालीले आफ्नो बचतको पैसा र सीप समेत आफ्नो देशमा लगानी गरी नेपालको समृद्धिमा टेवा दिनुपर्ने बताएका छन ।
कतार चेम्बर अफ कमर्स एन्ड इन्डस्ट्रीका अध्यक्षसँग औपचारिक बैठकका लागि कतार आएका ढकालले सोही अवसरमा नेपाल व्यवसायी संघ कतार एलएलसी (जी)ले आयोजना गरेको साक्षात्कार कार्यक्रममा बोल्दै नेपालमा लगानी भित्र्याउनका लागि आग्रह गरेका हुन ।
उनले नेपाल सम्भावनाको खानी नै रहे पनि कतिपयले नकारात्मक दृष्टिकोणले हेर्ने गरेकोप्रति दुस्ख व्यक्त गरे । ‘ नेपालमा लगानीका लागि प्रशस्त अवसर रहे पनि गलत बुझाइका कारण लगानी भित्र्याउन सकस भएको छ अब हामीले यसलाई चिर्न सक्नुपर्छ’ उनले भने ।
उनले जेनजी आन्दोलनप्रति लक्षित गर्दै त्यो बेलाको विध्वंशले नेपाललाई ठुलो क्षति पुगेको बताए । “देश विकास भएन, देशमा रोजगारी भएन” भनेर सञ्जालमा हजारौंले लेख्ने, तर देश विकास गरौं रोजगारी पनि सिर्जना गरौं भन्ने उद्देश्यले कहीँ कतै नयाँ प्रोजेक्ट घोषणा गर्यो भने विभिन्न समूहले रोकावट गर्ने दुस्ख दिने गरेको तितो अनुभव सुनाउँदै उनले विकासका लागि जनता नै सकारात्मक हुनुपर्ने र सकारात्मक वातावरण बनाउन सबै लाग्नुपर्ने बताए ।
ढकालले नेपालमा उद्योग वाणिज्य महासंघको पहल तथा निजी क्षेत्रका व्यवसायीहरूको संलग्नतामा १० अर्ब रुपैयाँ मूल पुँजी रहने गरी एनडिपी कम्पनी स्थापना गरी लगानीका लागि नयाँ बाटो खोलेको बताए । नयाँ आइडिया, नयाँ सेक्टर र क्लियर भिजन भएका तर लगानीले समस्यामा परेकाहरूलाई एनडिपीले लगानी गरिदिने र हालसम्म १ अर्ब २५ करोड विभिन्न व्यक्तिमार्फत लगानी गरिएको बताए ।
नेपालमा एकल लगानी भन्दा संयुक्त लगानी गर्दा सहज हुनेतर्फ उनले सोच्न व्यवसायीलाई सुझाव दिए । विशेषगरी लगानीका लागि टुरिजम, हाइड्रोपावर, आइटी, शिक्षा, स्वास्थ्य, खेलकुदलगायत देखिए पनि नेपालमा हजारौं क्षेत्रमा लगानी गर्न सकिने उनले बताए ।
साक्षात्कार कार्यक्रममा विभिन्न व्यवसायीहरूले आफ्ना धारणासहितको जिज्ञासा राखेका थिए ।
कार्यक्रममा नेपाल व्यवसायी संघ कतारका अध्यक्ष महेन्द्रप्रसाद चम्लागाईंले कतारमा रहेका नेपालीको लगानी भित्र्याउन मात्र नभएर कतारी लगानी कसरी नेपालमा भित्र्याउन सकिन्छ भन्नेमा पनि संघले पहल गरिरहेको बताए ।
कार्यक्रममा संघको तर्फबाट ढकाललाई मायाको चिनो प्रदान गर्दै दोसल्ला ओढाएर सम्मान गरिएको थियो । ।
कतारमा रहेका आम व्यवसायीहरूको हक हित र व्यवसाय प्रवर्धनसहित समृद्ध नेपालको संवाहकको परिकल्पनाको उद्देश्यका साथ स्थापित संघ नेपाल उद्योग वाणिज्य महासंघको वैदेशिक सदस्यता प्राप्त गर्ने पहिलो वैदेशिक संघका रूपमा रहेको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
