विश्व पौडेललाई गभर्नर बन्ने बाटो खुल्यो, सर्वोच्चद्वारा रिट दरपीठको आदेश सदर
- जेष्ठ ६, २०८२
- 0
विश्व पौडेललाई गभर्नर बनाउन नहुने माग गर्दै परेको रिट दरपीठ गर्ने आदेश सर्वोच्च अदालतले सदर गरेको छ।
अधिवक्ता प्रतिभा उप्रेती र विशाल थापाले पौडेल गभर्नर बन्न नमिल्ने भन्दै सर्वोच्चमा गत वैशाख ३० मा रिट दायर गरेका थिए । तर उक्त रिट सर्वोच्च अदालतले यही जेठ २ मा दरपीठ गरेको थियो ।
उक्त आदेश बेरितको भन्दै अधिवक्ता द्वय उप्रेती र थापाले इजलासमा निवेदन दिएका थिए। न्यायाधीश सपना प्रधान मल्लको इजलासले मंगलबार सुनुवाई गर्दै रिट दरपीठको आदेश सदर गरेको हो।
यससँगै पौडेललाई गभर्नर बन्ने बाटो खुलेको छ।
सत्ता साझेदार दल नेपाली कांग्रेस र नेकपा एमालेबीच पौडेललाई गभर्नर बनाउने समझदारी भएको छ। जसअनुसार अहिले अर्थमन्त्री संयोजक रहेको गभर्नर सिफारिस समितिको बैठक बसिरहेको छ।
समितिले पौडेलसहित ३ जनाको नाम सिफारिस गर्नेछ। ती मध्येबाट आजै बस्ने मन्त्रिपरिषद बैठकले पौडेललाई गभर्नर नियुक्त गर्ने तयारी गरिएको छ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
