रवि लामिछानेको भाइरल फोटोको बास्तविकता के हो ? अनुसन्धान गरिरहेको प्रहरीको दावी
- पुस ४, २०८१
- 0
राष्ट्रिय स्वतन्त्र पार्टी रास्वपाका सभापति रवि लामिछानेको प्रहरी हिरासतमा सुतिरहेको भनिएको एक सिसिटिभी फोटो अहिले सामाजिक सञ्जालमा भाइरल भइरहेको छ ।
सहकारी ठगी प्रकरणमा कास्की प्रहरीको हिरासतमा रहेका लामिछानेको त्यस तस्वीरको वास्तविकताबारे प्रश्न उठेको छ ।
तस्वीरलाई लिएर सामाजिक सञ्जालमा विभिन्न प्रतिक्रियाहरु आइरहेका छन् ।
रास्वपाका नेता कार्यकर्ताहरूले कास्की प्रहरीले लामिछानेको गोपनीयता र मानव अधिकारको उल्लङ्घन गरेको भन्दै आपत्ति जनाएका छन् । अर्कातर्फले भने लामिछानेलाई हिरासतमा विशेष सुविधा दिइएको भन्दै आलोचना गरेका छन् ।
कास्की प्रहरी प्रमुख एसपी श्याम ओलियाले भने त्यस फोटो नक्कली हुनसक्ने आशंका गरेका छन् । ‘एआईको जमाना छ, फोटो फेक भएको आशंका छ, त्यसैले पहिलो पटक पोष्ट गर्ने व्यक्तिको खोजी गरिरहेका छौँ ।’ उनले भने ।
भाइरल तस्वीरमा साइडको टेबलमा उर्दु भाषाको किताब देखिन्छ र लामिछानेले लगाएको टोपी मुस्लिम समुदायले प्रयोग गर्ने टोपीसँग मिल्दोजुल्दो देखिन्छ । यी तथ्यहरूका आधारमा प्रहरीले कुनै अन्य व्यक्तिको फोटोमा लामिछानेको अनुहार जोडेर बनाइएको हुनसक्ने आशंका गरेको छ ।
प्रहरीले अहिले यो फोटो सर्वप्रथम सामाजिक सञ्जालमा साझा गर्ने व्यक्तिको पहिचान गर्ने प्रयास गरिरहेको बताइएको छ ।
तर रास्वपाका एक कार्यकर्ता डा. निकोलस भुसालले यो फोटो आफूले खिचेको र वास्तविक भएको दाबी गरेका छन् । उनले फेसबुकमा लेखेका छन्, ‘यो फोटो रियल हो मैले नै खिचेको हो ।’ यसबारे वास्तविकता सार्वजनिक गर्ने पनि बताएका छन् ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
