संयुक्त राष्ट्रसंघका महासचिव गुटेरेस आज सगरमाथा क्षेत्र जाँदै
- कार्तिक १३, २०८०
- 0
नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले सोमवार उच्च हिमाली क्षेत्रको अवलोकन भ्रमण गर्दै छन ।
हिजो राजनीतिक भेटघाटमा व्यस्त रहेका गुटेरेसले आज हिमाली क्षेत्रको अवलोकन गर्न लागेका हुन ।
जलवायु परिवर्तनको असरबारे स्थलगत अवलोकन गर्न उनी सोलुखुम्बुको स्याङ्बोचे जाँदै छन । त्यहाँ उनले स्थानीय बासिन्दासँग पनि छलफल गर्ने कार्यक्रम छ ।
सोलुखुम्बुबाट काठमाडौं फर्केर गुटेरेस ललितपुरस्थित यू।एन हाउसको कार्यक्रममा सहभागी हुनेछन । उनी आजै पोखरा पुग्ने र त्यही बस्ने कार्यक्रम छ ।
भोलि बिहान अन्नपूर्ण सर्किट अवलोकन गरेर फर्केपछि पोखराको पुरानो विमानस्थलमा उनले पत्रकार सम्मेलन गर्नेछन । त्यसपछि गुटेरेस गौतम बुद्धको जन्मस्थल लुम्बिनीतर्फ लाग्नेछन ।
लुम्बिनीबाट काठमाडौं फर्केर भोलि दिउसो चार बजे उनले संघीय संसद्को दुवै सदनलाई सम्बोधन गर्नेछन । त्यसपछि संसद् परिसरमै पत्रकार सम्मेलन आयोजना गरिनेछ ।
कात्तिक १५ गते बुधबार महासचिव गुटेरेस आफ्नो चारदिने भ्रमण पूरा गरी फर्कने कार्यक्रम छ । उनी नेपालबाट बेलायतको राजधानी लन्डन प्रस्थान गर्ने राष्ट्रसंघले जनाएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
