सर्वदलीय बैठकमा पनि जुटेन संसद खोल्ने सहमति, बैठक भोलि फेरि बस्ने
- भदौ ३, २०८०
- 0
प्रधानमन्त्री पुष्पकमल दाहाल प्रचण्डले सदन खुलाउन बोलाएको छलफल पनि विना निष्कर्ष सकिएको छ । प्रधानमन्त्री कार्यालय सिंहदरबारमा प्रधानमन्त्रीसहित विभिन्न दलका शीर्ष नेता सहभागि बैठकमा संसद खोल्ने विषयमा छलफल भएपनि निष्कर्षविहीन भएको रास्वपा सभापति रवि लामिछानेले बताए ।
प्रधानमन्त्रीले समाधानको उपाय खोज्न राष्ट्रिय मान्यता प्राप्त दलका नेतासँगको बैठकमा भोलि थप छलफलमा जुट्ने सहमति भएको उनको भनाई छ ।
बैठकपछि रास्वपा सभापति रवि लामिछानेले सदन खुलाउनुपर्छ भन्नेमा सबै दल सहमत रहेको दाबी गरेका उनले भने ‘भोलि बस्ने बैठकले यसलाई टुङग्याउछ र सदन चल्छ । सिआईबी सही ढंगले अगाडी बढेको छ । र सिआइबीले सहि ढंगले काम गर्छ भन्ने विस्वास गृहमन्त्रीले दिलाउनु भएको छ । भोलिको बैठकले के गर्ने भन्ने तय हुन्छ ।’
आजको बैठकमा एमालेले समितिको अडान राखेको थियो भने गृहमन्त्रीले सीआईबीले अनुसन्धान गरिरहेकाले अर्को समिति बनाउँदा छानिबन प्रभावित हुनसक्ने बताएको लामिछानेले जानकारी दिए । अब १५ दिनमात्रै बाँकी रहेकाले गृहमन्त्रीले मागेको समयभित्र सहमति जुटाउने प्रयास भइरहेको उनको भनाइ छ ।
एमालेले सुन तस्करी प्रकरणमा उच्चस्तरीय छानबिन समितिको मागगर्दै गएको साउन १० गतेबाट निरन्तर बैठक अवरुद्ध गर्दै आएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
