कोशी र मधेश प्रदेशको केही स्थानमा भारी वर्षाको सम्भावना

असार १८, २०८०
0

हाल देशमा मनसुनी वायुको प्रभाव रहेको हुँदा आंशिक देखि सामान्य बदली रही कोशी, बागमती, गण्डकी र लुम्बिनी प्रदेशको थोरै स्थानहरुमा हल्का देखि मध्यम वर्षा भइरहेको छ ।
आज देशभर मौसममा आंशिकदेखि सामान्य बदली हुने छ ।

आज कोशी, मधेश, बागमती, गण्डकी र लुम्बिनी प्रदेशका केही स्थानहरू तथा बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

साथै कोशी र मधेश प्रदेशको एक–दुई स्थानमा मेघ–गर्जन र चट्याङ्ग सहित भारी वर्षा हुने सम्भावना पनि रहेको छ।

महाशाखाको अनुसार, आज राती कोशी, गण्डकी र लुम्बिनी प्रदेशको एक–दुई स्थानमा मेघ–गर्जन र चट्याङ्ग सहित भारी वर्षाको समेत सम्भावना रहेको छ। मधेश प्रदेश लगायत बागमती र कोशी प्रदेशका तराईका थोरै स्थानहरूमा हावा हुरीको समेत सम्भावना रहेकोको सर्तकता अपनाउन महाशाखाले अनुरोध गरेको छ ।