प्रतिनिधि सभा बैठक बस्दै, विनियोजन विधेयकमाथिको छलफल जारी रहने

असार ४, २०८०
0

प्रतिनिधि सभाको बैठक आज सोमबार पनि बस्दै छ ।

बैठक संघीय संसद् भवन नयाँ बानेश्वरमा बिहान ११ बजे बस्नेछ । आजको बैठकमा विनियोजन विधेयक २०८० माथि छलफल जारी रहने संघीय संसद सचिवालयले जनाएको छ ।

बैठकमा सञ्चार तथा सूचना प्रविधि मन्त्रालय, परराष्ट्र मन्त्रालय र ऊर्जा, जलस्रोत तथा सिँचाई मन्त्रालयमाथिको बजेटमा छलफल हुनेछ ।

बैठकमा प्रतिनिधि सभा सदस्य सुमना श्रेष्ठ, दामोदर पौडेल (बैरागी) र प्रेम सुवालले सञ्चार तथा सूचना प्रविधि, दिपा शर्माले परराष्ट्र मन्त्रालय, गोकर्ण विष्ट र प्रभु साहले उर्जा, जलस्रोत तथा सिँचाइ मन्त्रालयको खर्च रकमलाई घटाई एक रुपैयाँ कायम गरियोस् भन्ने खर्च कटौतीको प्रस्ताव प्रस्तुत गर्ने सचिवायले जनाएको छ ।