पश्चिमी निम्न चापीय प्रणाली आज साँझबाट नेपाल प्रवेश गर्ने

माघ ९, २०७९
0

हाल देशमा उल्लेखनीय मौसमी प्रणाली रहेको छैन ।

तर सोमबार साँझबाट भने देशको सुदूरपश्चिम हुँदै पश्चिमी निम्न चापीय प्रणाली नेपाल प्रवेश गर्ने देखिएको मौसम पूर्वानुमान महाशाखाले जनाएको हो । सोमबार बिहान देशभर मौसम सामान्यतया सफा रहेको छ । सोमबार दिउँसो भने देशभर मौसम सामान्यतया सफा रहनेछ।

सोमबार राति भने सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेशमा आंशिकदेखि सामान्य बदली हुने भएको छ । त्यस्तै, देशका बाँकी भू-भागमा आंशिक बदलीदेखि मौसम सामान्यतया सफा रहनेछ।

त्यस्तै, सुदूरपश्चिम प्रदेश र कर्णाली प्रदेशका साथै लुम्बिनी प्रदेशका पहाडी भू-भागका केही स्थानमा हल्का वर्षाको समेत सम्भावना रहेको छ । त्यस्तै, सुदूरपश्चिम प्रदेश, कर्णाली प्रदेश र गण्डकी प्रदेशका उच्च पहाडी तथा हिमाली भू-भागका केही स्थानहरूमा भने हल्का हिमपातको समेत सम्भावना भएको महाशाखाले जनाएको छ ।