मनास्लु आधारशिविरमा हिमपहिरो, हेलिकप्टरबाट उद्धारको तयारी
- अशोज १०, २०७९
- 0
मनास्लु हिमालको तेस्रो र चौथो क्याम्पको बीचमा हिमपहिरो गएको छ।
हिमपहिरोमा परी केही व्यक्ति घाइते भएको भनिए पनि विस्तृत विवरण प्राप्त नभएको पर्यटन विभाग पर्वतारोहण शाखाका निर्देशक युवराज खतिवडाले जानकारी दिए।
हिमपहिरो गएको पुष्टि गरे पनि अहिले त्यहाँ रहेका व्यक्तिसँग सम्पर्क हुन नसकेको उनको भनाई छ।
हिमपहिरोका कारण फसेका आरोहीको उद्धारका लागि काठमाडौंबाट कैलाश एयरको हेलिकप्टर सामागाउँ पुगेको छ।
सामागाउँ उत्तरी गोरखाको अन्तिम गाउँ हो। अहिले मनास्लु आधार शिविरको मौसम सफा नभएकाले तत्काल घटनास्थलमा पुग्न नसकिए पनि उद्धारका लाई हेलिकप्टर तथा उद्धारकर्मीहरु स्ट्याण्ड बाइ अवस्थामा राखिएको खतिवडाले बताए।
यसपटक शरद यामका लागि १५ वटा हिमाल आरोहण गर्न गत शुक्रबारसम्म पर्यटन विभागले ५ सय ५ जना विदेशीलाई अनुमति दिएको छ। ५८ वटा आरोहण दलमा १ नेपालीसहित ५ सय ६ जनालाई अनुमति दिएको छ।
यसपटक सबैभन्दा धेरै गोरखाको मनास्लु हिमाल चढ्न ३८ वटा आरोहण दललाई अनुमति दिइएको छ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
