निलम्बित प्रधानन्यायाधीश जबराले आरोपित गरेका अधिवक्तासँग समितिको छलफल

भदौ ३०, २०७९
0

प्रतिनिधिसभाको महाभियोग सिफारिस समितिले निलम्बित प्रधानन्यायाधीश चोलेन्द्र शम्सेर जबराले कतिपय विषयमा आरोपित गरेका वरिष्ठ अधिवक्तासँग छलफल गरेको छ ।

समितिले वरिष्ठ अधिवक्ताहरू पूर्णमान शाक्य‚ हरिहर दाहाल‚ शम्भु थापा‚ चण्डेश्वर श्रेष्ठ‚ रमन श्रेष्ठ‚ अधिवक्ताहरू ओमप्रकाश अर्याल र लिलामणि पौडेलसँग छलफल गरेको समिति सदस्य एवं सांसद डा। शिवमाया तुम्बाहाङ्फेले जानकारी दिइन ।

बैठकमा बोलाइएका सर्वोच्च अदालतका ४ पूर्वप्रधानन्यायाधीशले इन्कार गरेका छन् ।

आरोपित न्यायाधीश पनि बैठकमा आएनन् । सर्वोच्चका सबै न्यायाधीश सम्मिलित फुलकोर्टले समितिमा बयान नदिने निर्णय गरेको थियो ।