एसपीपीबारे औपचारिक पत्र पठाएको छैन : परराष्ट्र मन्त्रालय
- असार १९, २०७९
- 0
स्टेट पार्टनरसिप प्रोग्राम (एसपीपी)मा तत्काल हस्ताक्षर नगर्ने निर्णय गरेपनि औपचारिक रुपमा पत्र भने पठाइ नसकिएको परराष्ट्र मन्त्रालयले जनाएको छ ।
परराष्ट्र मन्त्रालयमा आज भएको नियमित पत्रकार सम्मेलनमा मन्त्रालयका प्रवक्ता सेवा लम्सालले एसपीपी अध्ययनकै क्रममा रहेकोले प्रकृया अघि बढाउने या नबढाउने विषयमा तत्काल पत्र नपठाएको बताइन । उनले सरकारले गरेको निर्णय नै कार्यान्वयन हुने भन्दै गहिरो अध्ययन गरेर मात्र डिप्लोम्याटिक तरिकाले पत्र पठाउने बताइन ।
त्यस्तै कोरोना संक्रमणका कारण बीचैमा पढाइ छोडेर नेपाल फर्किएकालाइ कुटनीतिक पहलमा ५ जुलाइ २०२२ देखि चीन पठाउन थालिएको बताए । उनले ८ सय ८५ मध्य २ सय ५० जना पहिलो चरणमा जान लागेको समेत बताइन ।
प्रवक्ता लम्सालले परराष्ट्रमन्त्रालयले गरेका गतिविधिबारे जानकारी दिदै मन्त्रालयले राहदानी बापत मात्र ३ अर्व १७ करोड ४६ लाख २० हजार रुपैया राजस्व संकलन गरेको बताइन । विभागले हाल दैनिकरुपमा ६ हजार ५०० राहदानी उत्पादन गरी वितरणको व्यवस्था मिलाएको र हरेक जिल्लामा एक हप्ता भित्रमै राहदानी दिन थालिएको समेत उनको भनाई छ ।
मन्त्रालयले प्रधानमन्त्री शेरबहादुर देउवाको अमेरिका भ्रमण र परराष्ट्रमन्त्री नारायण खड्काको चीन भ्रमणका विषयपनि छलफल भइरहेको बताएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
