इटहरीमा बम विस्फोट, दुई जना घाइते

इटहरी उपमहानगरपालिका–२ स्थित एक घरमा सोमबार राती सुतली बम विस्फोट हुँदा दुई जना घाइते भएका छन्।

विस्फोट भएको ठाउँबाट हिमाल सुरक्षा परिषदको पर्चा सामग्री प्रहरीले फेला पारेको छ।

नवजागृति टोलमा २२ बर्षीय रविन थापा बस्दै आएको कोठामा बिष्फोट हुँदा उनीसहित लम्जुङ घर भएका २३ वर्षीय शेरजङ गुरूङ घाइते भएको प्रहरीले जनाएको छ।

प्रहरीको प्रारम्भिक अनुसन्धानले झोलामा रहेको सुतली बम विस्फोट भएको खुलेको छ। यद्यपि अझ अनुसन्धान जारी रहेको बताइएको छ।

विस्फोटमा घाइते भएका थापाको आँखामा चोट लागेपछि बिराटनगर लगिएको छ भने गुरूङको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ।

सम्बन्धित शीर्षकहरु

0 प्रतिक्रिया

ताजा अपडेट