सर्लाहीमा रात्रीबस र मोटरसाइकल ठोक्किँदा एकको मृत्यु,१३ जना घाइते
- माघ १६, २०७८
- 0
जनार्जन खत्री/ पूर्व–पश्चिम राजमार्ग अन्तर्गत सर्लाहीको बाँके जङ्गलमा शनिबार राती रात्रीबस र मोटरसाइकल ठोक्किँदा एक जनाको मृत्यु भएको छ ।
दुर्घटनामा १३ जना घाइते भएका छन् । सिरहाको बरियारपट्टीबाट काठमाडौंका लागि छुटेको ना ७ ख ७५३ नम्वरको रात्रीबस शनिबार राती ९ बजे ईश्वरपुर नगरपालिका–१२, बाँके जङ्गलस्थित राजमार्गमा ना २९ प ४४९८ नम्वरको मोटरसाइकल आपसमा ठोक्किएका हुन् ।
दुर्घटनामा मोटरसाइकल पछाडि सवार ईश्वरपुर नगरपालिका–१२, घारिबथानका २७ वर्षीय भक्तबहादुर खड्काको घटनास्थमै मृत्यु भएको इलाका प्रहरी कार्यालय केशरगञ्जका प्रहरी निरीक्षक जनकराज ढुङ्गानाले जानकारी दिए । मृतक खड्काको शव पोष्टमार्टमका लागि जिल्ला अस्पताल मलङ्गवा पठाइएको प्रहरीले जनाएको छ ।
मोटरसाइकलका चालक घारिबथानकै २६ वर्षीय अरुण खड्का गम्भीर घाइते भएका छन । खड्कालाई लालबन्दीमा उपचार हुन नसकेपछि वीरगञ्ज रेफर गरिएको प्रहरी निरीक्षक ढुङ्गानाले बताए ।
ढुङ्गानाका अनुसार मोटरसाइकलसँग ठोक्किएपछि बस समेत पल्टिएको थियो । दुर्घटनामा बसमा सवार ४० जना यात्रुमध्ये १२ जना घाइते भएका छन् । घाइते सात जना उपचार पश्चात डिस्चार्ज भइसकेका, चार जनाको लालबन्दीमै उपचार चलिरहेको र एक जनालाई थप उपचारका लागि सिरहातर्फ रेफर गरिएको प्रहरीले जनाएको छ ।
दुर्घटनापछि बसका चालक फरार भएका छन् । प्रहरीले दुर्घटनामा परेको बस घटनास्थलबाट उठाएर शनिबार राती २ बजे बयलवासस्थित इलाका प्रहरी कार्यालय केशरगञ्ज लगेको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
