अध्यक्ष प्रचण्डले प्रस्तुत गरेको राजनीतिक प्रतिवेदनमाथि २५ समूहमा छलफल हुने
- पुस १२, २०७८
- 0
नेकपा माओवादी केन्द्रको आठौं राष्ट्रिय महाधिवेशन अन्तर्गत सोमबार सुरु भएको बन्दसत्रमा अध्यक्ष पुष्पकमल दाहाल ‘प्रचण्ड’ले प्रस्तुत गरेको राजनीतिक प्रतिवेदनमाथि २५ समूह बनाएर छलफल हुने भएको छ ।
जसमा प्रदेशका ९ वटा समूह, ज्येष्ठ कम्युनिष्ट मञ्च, सल्लाहकार समिति, विभाग, परराष्ट्र लगायत विभिन्न छुट्टा–छुट्टै २५ समूहमा राजनीतिक प्रतिवेदनमाथि छलफल हुने पार्टी प्रवक्ता कृष्णबहादुर महराले बताए । महराका अनुसार मंगलबार सारमा छलफल गरेर बुधबार छलफलको निष्कर्ष प्रस्तुत हुनेछ ।
प्रवक्ता महराका अनुसार जेष्ठ कम्युनिष्ट मञ्च र सल्लाहकारका तीन समूह बनेका छन् । जसको नेतृत्व नन्दकुमार थापाले गरेका छन ।
प्रदेश १ को समूहको नेतृत्व हर्क गुरुङ, प्रदेश २ को गणेश साह, बागमती प्रदेशको सरल सहयात्री, गण्डकी प्रदेशको गायत्री गुरुङ, लुम्बिनी प्रदेशको चक्रपाणि खनाल, कर्णाली प्रदेशको विमला केसी र सुदूरपश्चिम प्रदेशको समूहको नेतृत्व खगराज भट्टलाई दिइएको छ ।
जबस अमृता थापा, प्रवास समितिमा लक्ष्मण पन्त, विभागमा मायाप्रसाद शर्मा टोली नेता बन्दा सम्पर्क समन्वय प्रदेशमा कृष्ण अधिकारी रहेका छन ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
