एमाले महाधिवेशनमा १९९९ प्रतिनिधि सहभागी हुने
- कार्तिक १२, २०७८
- 0
नेकपा (एमाले)को दशौं रााष्ट्रिय महाधिवेशनमा १ सय ९ सय ९९ प्रतिनिधि सहभागी हुने भएका छन् ।
शुक्रबार बसेको केन्द्रीय कमिटी बैठकले बिहीबारको स्थायी कमिटीको प्रस्तावलाई परिमार्जन गर्दै १९९९ जना प्रतिनिधि सहभागी गराउने निर्णय गरेको पार्टी प्रवक्ता प्रदीप ज्ञवालीले जानकारी दिए ।
यसअघि स्थायी कमिटी बैठकले १५३६ जना प्रतिनिधि सहभागी हुने प्रस्ताव गरेको थियो ।
यस्तै, बैठकले दशौं राष्ट्रिय महाधिवेशन मूल व्यवस्थापन समितिमा दुई जना सदस्य थप गरेको छ । यसअघि रामबहादुर थापाको संयोजकत्वमा २१ सदस्यीय समिति रहेकोमा स्थायी समिति सदस्य रघुजी पन्त र कार्यालय सचिव शेरबहादुर तामाङलाई थप गर्दै समितिलाई २३ सदस्यीय बनाइएको छ ।
यस्तै बैठकले कात्तिक २७ गते सबै क्षेत्रहरुमा एकैपटक प्रतिनिधि निर्वाचित गर्ने निर्णय गरेको छ । साथै विद्युतिय भोटिङ मेसिनको सफल परीक्षण भएकाले महाधिवेशनमा प्रयोग गर्ने निर्णय पनि गरेको छ । यसअघि प्रयोग गर्ने निर्णय भए पनि परीक्षण भने भएको थिएन ।
केन्द्रीय कमिटीको अर्को बैठक मंसिर ९ गते चितवनको सौराहमा हुनेछ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
