लुम्बिनी प्रदेशसभाको विशेष अधिवेशनविरूद्धको रिट संवैधानिक इजलासमा पठाउन आदेश

साउन २७, २०७८
0

सर्वोच्च अदालतले लुम्बिनी प्रदेशसभाको विशेष अधिवेशन आह्वानविरुद्ध परेको रिटमा अन्तरीम आदेश दिन अस्वीकार गर्दै संवैधानिक इजलासमा पठाउन आदेश दिएको छ ।

सो मुद्दा संवैधानिक इजलासमा पठाउने र कारण देखाऊ आदेश भएको सर्वोच्चका प्रवक्ता बाबुराम दाहालले बताए ।

बुधबार न्यायाधीश डा आनन्दमोहन भट्राईको एकल इजलासले लुम्बिनी प्रदेशका पूर्वमन्त्री तथा प्रदेशसभा सदस्य लिला गिरीले दायर गरेको रिट निवेदनमा सुनुवाइ गर्दै कारण देखाऊ आदेश दिएको हो ।

मुद्दा अदालतमा सुनुवाइको क्रममा रहेकाबेला लुम्बिनी प्रदेशका मुख्यमन्त्री शंकर पोखरेलले भने राजीनामा दिइसकेका छन ।