एमाले १०औं महाधिवेशन आयोजक कमिटी खारेज, केन्द्रीय कमिटीको बैठक असार १८ गते बस्ने
- असार १६, २०७८
- 0
सत्तारुढ दल नेपाल कम्युनिष्ट पार्टी (एमाले) को १०औं महाधिवेशन आयोजक कमिटी खारेज गरिएको छ । उक्त कमिटी खारेज भएलगत्तै केन्द्रीय कमिटीको बैठक बोलाइएको छ।
आज (बुधबार) प्रधानमन्त्री निवास बालुवाटारमा बसेको बैठकले १०औं महाधिवेशन आयोजक कमिटीलाई केन्द्रीय कमिटीमा रुपान्तरण गरिएको पार्टी प्रवक्ता प्रदीप ज्ञवालीले जानकारी दिए। अबको केन्द्रीय कमिटीको बैठक शुक्रबार (असार १८ गते) बस्ने उनले जनाए।
बैठकले माओवादी केन्द्रबाट एमालेमा प्रवेश गरेका रामबहादुर थापा बादल, लेखराज भट्ट, टोपबहादुर रायमाझी, मणि थापासहित एमाले नेताहरू रघुवीर महासेठ, रघु पन्त, विष्णु रिमाल र बेदुराम भुसाललाई स्थायी कमिटी सदस्यमा मनोनीत गर्ने निर्णय पनि गरेको छ।
वरिष्ठ नेता झलनाथ खनालको उपचारको सम्पूर्ण जिम्मा पार्टीले लिने निर्णय भएको जनाइएको छ।
बैठकले कोरोना महामारी नियन्त्रण र बाढपिहिरो पहिरोजस्ता विपदमा उद्धार तथा राहतमा सरकारले गरेको कामको उच्च प्रशंसा गर्दै सबै नागरिकलाई कोरोनाविरुद्धको खोप दिलाउने सरकारलाई अनुरोध पनि गरेको प्रवक्ता ज्ञवालीको भनाइ छ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
