खोपका लागि सहयोग गर्न राष्ट्रपति भण्डारीले पठाइन् अमेरिकी समकक्षी बाइडेनलाई पत्र
- जेष्ठ १६, २०७८
- 0
राष्ट्रपति विद्यादेवी भण्डारीले अमेरिकी समकक्षी राष्ट्रपति जो बाइडेनलाई पत्र लेखी कोरोना भाइरसविरूद्धको खोप नेपाललाई सहयोग गर्न अनुरोध गरेकी छन्।
राष्ट्रपति भण्डारीको पत्र शुक्रबार अमेरिकाका लागि नेपालका राजदूत युवराज खतिवडाले डिसीस्थित स्टेट डिपार्टमेन्टका वरिष्ठ सल्लाहकार इर्भिन मासिंगालाई हस्तान्तरण गरेका छन्।
पत्र हस्तान्तरण गर्दै राजदूत खतिवडाले नेपालको पछिल्लो अवस्था र खोप योजनाका बारेमा विस्तृतमा जानकारी गराएका थिए।
राजदूत खतिवडाले अमेरिकी सरकारसँग नेपालले अष्ट्राजेनिका खोप अधिकतम प्राप्त गर्ने अपेक्षा राखेको समेत मासिंगालाई बताएका थिए।
अमेरिका र नेपालबीच लामो समयदेखि द्विपक्षीय सम्बन्ध रहेको स्मरण गर्दै उनले कोरोनाभाइरस विरुद्धको लडाइँमा पनि अमेरिकाको महत्वपूर्ण सहयोगको अपेक्षा नेपालले गरेको बताए।
साथै उनले नेपाल सरकारले जोन्सन एन्ड जोन्सनको खोप जानसिन इन्फेक्सियस डिजिज एन्ड भ्याक्सिन्स फर्मास्यूटिकल्स कम्पनीसँग खरिद गर्ने योजनामा रहेको मासिंगालाई जानकारी गराए।
राजदूत खतिवडासँगको भेटमा मासिंगाले अमेरिकी सरकारले खोपको प्रक्रियालाई तदारुकताका साथ अगाडि बढाउने बताए। भेटमा उनले नेपालमा कोरोना भाइरसले पारेका क्षतिका विषयमा गहिरो सहानुभूति राख्दै कोभ्याक्सअन्तर्गत खोप कोभ्याक्स र द्विपक्षीय सम्झौताअनुरूप नेपालले प्राप्त गर्ने अंश सम्भव भएसम्म छिटो उपलब्ध गराउने बताएका थिए।
राष्ट्रपति भण्डारीले यसअघि भारतीय समकक्षी रामनाथ कोविन्दलाई भारतबाट नेपालमा खोप ल्याउन सहयोग गरिदिन पत्राचार गरेकी थिइन्। चिनियाँ राष्ट्रपति सी चिनफिङसँग पनि राष्ट्रपति भण्डारीले टेलिफोनमा संवाद गरेकी थिइन्।
राष्ट्रपति भण्डारीसँगको कुराकानीपछि चिनियाँ राष्ट्रपति चिनफिङले नेपाललाई थप १० लाख डोज कोरोनाविरूद्धको खोप अनुदानमा दिने घोषणा गरेकी छन्।
-रासस
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
