गण्डकी प्रदेशमा मन्त्रीपरिषद विस्तार, पुरानै मन्त्रीलाई दोहो-याइयो
- जेष्ठ ५, २०७८
- 0
गण्डकी प्रदेशका मुख्यमन्त्री पृथ्वीसुब्बा गुरुङले मन्त्रिपरिषद् विस्तार गरेका छन् । पुरानै मन्त्रीहरुलाई निरन्तरता दिँदै बुधबार मुख्यमन्त्री गुरुङले पाच मन्त्रीसहित मन्त्रिपरिषद् विस्तार गरेका हुन् ।
विस्तारित मन्त्रीपरिषदका चार मन्त्रीलाई आज अपराह्न ३ बजे प्रदेश प्रमुख सीताकुमारी पौडेलले पद तथा गोपनीयताको शपथ खुवाएकी छन् ।
यसअघिको सरकारमा सहभागी एमालेका किरण गुरुङ साविककै आर्थिक मामिला तथा योजना मन्त्रीमा, रामशरण बस्नेत भौतिक पूर्वाधार मन्त्रीमा र राजीव गुरुङ युवा तथा खेलकुदमन्त्रीमा नियुक्त भएका छन भने नरदेवी पुन र विकास लम्सालले विना विभागिय मन्त्रीकारुपमा सपथ लिएका छन । काठमाडौँ भएका कारण मन्त्री राजीव गुरुङ भने शपथमा सहभागी भएनन ।
प्रदेश प्रमुख पौडेलले गत वैशाख २९ गते संविधानको धारा १६८ को उपधारा (३) अनुसार ठूलो दलको हैसियतले गण्डकी प्रदेशमा पृथ्वीसुब्बा गुरुङलाई मुख्यमन्त्रीमा नियुक्त गरेकी थिइन् ।
गत वैशाख २६ गते गुरुङले मुख्यमन्त्री पदबाट राजीनामा दिएपछि प्रदेश प्रमुख पौडेलले संविधानको १६८ (२) अनुसार ३ दिनभित्र बहुमतको हस्ताक्षरसहित मुख्यमन्त्री दाबी गर्न आह्वान गरेकी थिइन् ।
तर, प्रदेश प्रमुखले दिएको समयभित्र कसैले पनि ३१ सांसदको हस्ताक्षर बुझाउन नसकेपछि ठूलो दलको हैसियतले गुरुङ मुख्यमन्त्रीमा नियुक्त भएका हुन् । उनले आगामी जेठ २९ सम्म विश्वासको मत लिनुपर्छ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
