काठमाडौं उपत्यकामा २४९५ सहित देशभर एकैदिन थपिए ५७६३ कोरोना संक्रमित, १९ जनाको मृत्यु पुष्टि
- बैशाख १८, २०७८
- 0
पछिल्लो २४ घण्टामा काठमाडौं उपत्यकामा २४९५ सहित देशभर थप ५,७२७ जनामा कोरोना भाइरस (कोभिड–१९) संक्रमण पुष्टि भएको छ । योसँगै कुल संक्रमितको संख्या ३ लाख २८ हजार ८९३ जना पुगेको छ ।
१४ हजार ४०३ पीसीआर परीक्षणमा ५७०६ जना र ५६६ जनाको एन्टिजेन परीक्षणमा ५७ जना गरी ५७६३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
जसमध्ये उपत्यकाको काठमाडौँमा १९३२ जना, भक्तपुरमा २०८ जना र ललितपुरमा ३५५ जना गरी २४९५ कोरोना संक्रमित भेटिएका छन् ।
यस्तै मन्त्रालयका अनुसार पछिल्लो चौबीस घण्टामा १२८७ जना सङ्क्रमित कोभिडमुक्त भएका छन् । हालसम्म कोभिडमुक्त हुने दुई लाख ८२ हजार ३८२ पुगेको छ ।
यस्तै पछिल्लो २४ घण्टामा कोरोना संक्रमणबाट ७ जनाको मृत्यु भएको र थप १२ जनाको मृत्यु पुष्टिसहित १९ जनाको मृत्यु पुष्टि भएको छ । यससँगै मृतकको संख्या ३२९८ पुगेको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
