घाँस काट्न गएका महोत्तरीका सातजना बालिका र किशोरी सम्पर्कविहीन
- चैत्र १८, २०७७
- 0
घाँस काट्न गएका महात्तरीको भंगहा नगरपालिका ८ धर्मपुरका सातजना बालिका र किशोरी सम्पर्कविहीन भएका छन् ।
मंगलबार दिउँसो करिब १ बजे घाँस काट्न निस्किएका उनीहरू सम्पर्कविहीन भएका हुन्। सम्पर्कविहीन हुनेमा ११ वर्षीया अर्चना पासवान, १२ वर्षीया सीमा पासवान, १२ वर्षीया रञ्जन पासवान, १३ वर्षीया ज्योति पासवान, १३ वर्षीया रीया पासवान, १७ वर्षीया नगीना पासवान र २० वर्षीया अस्मिता पासवान रहेको जिल्ला प्रहरी कार्यालय महोत्तरीका एसपी दिनेश आचार्यले जानकारी दिए ।
सम्पर्कविहीन बालिका र किशोरीको रातिदेखि नै खोजी कार्य सुरु गरिएको आचार्यले बताए । भर्खरै अनुसन्धान सुरु गरिएकाले अहिले नै घटनाबारे केहि बोल्ने नमिल्ने उनको भनाइ छ।
भंगाहा नगरपालिकाका प्रमुख संजिवकुमार साहका अनुसार ती बालिका र किशोरी एउटै टोलको हुन् । उनीहरू प्रायस् समूहमै घाँस काट्न चौरमा जाने र साँझसम्म घर फर्किहाल्ने भए पनि हिजो भने नफर्किएको उनले बताए।
घरबाट करिब एक किलोमिटरको दूरीमा रहेको पूर्वपट्टीको चौरमा उनीहरूलाई स्थानीयले दिउँसो घाँस काट्दै गरेको अवस्थामा देखेका नगरप्रमुख साहले बताए ।
-रासस
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
