माधव नेपालसहित चार नेतालाई स्पष्टीकरण सोध्ने बालुवाटार बैठकको निर्णय, अध्यक्ष झनै शक्तिशाली !
- चैत्र ७, २०७७
- 0
नेकपा एमालेका अध्यक्ष केपी शर्मा ओली निकट केन्द्रीय कमिटी सदस्यहरुको बैठकले चार जना नेताहरुलाई स्पष्टीकरण सोध्ने निर्णय गरेको छ ।
शनिबार बालुवाटारमा बसेको बैठकले वरिष्ठ नेता माधवकुमार नेपाल र नेताहरु घनश्याम भुसाल, भीम रावल र सुरेन्द्र पाण्डेलाई स्पष्टीकरण सोध्ने निर्णय गरेको हो ।
यस्तै बैठकले संघीय तथा प्रदेशसभाका समानुपातिक सांसदहरुको बन्दसूचीमा रहेको नाम हटाउने, राख्ने या हेरफेर गर्ने अधिकार अध्यक्ष ओलीलाई प्रत्यायोजन गर्ने निर्णय गरेको छ ।
बैठकले पार्टी अध्यक्षलाई पार्टी नेता, कार्यकर्ताहरुको मनोनयन, कारवाही गर्ने अधिकार तथा अदालत, निर्वाचन आयोग र अन्य आधिकारिक निकायमा पार्टीको तर्फबाट गरिने सबै काम अख्तियारी गर्ने पनि प्रत्यायोजन गरेको छ । यसले पार्टी अध्यक्षलाई थप शक्तिशाली बनाएको छ ।
सोहीअनुसार केन्द्रीय कमिटी बैठकले संसदीय दलको विधान संशोधनसहित अनुमोदन गरेको छ । विहान बसेको संसदीय दलको बैठकमा सहभागी भएका नेता बामदेव गौतम केन्द्रीय कमिटी बैठकमा भने सहभागी भएनन ।
केन्द्रीय कमिटी बैठक जारी छ । बैठकले विभिन्न दश बुँदे निर्णय सार्वजनिक गर्ने तयारी गरिरहेको बताइएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
