राष्ट्रपति र प्रधानमन्त्रीबीच भेटवार्ता : पछिल्लो राजनीतिक घटनाक्रमबारे छलफल

फाल्गुन १३, २०७७
0

प्रधानमन्त्री केपी शर्मा ओली र राष्ट्रपति विद्यादेवीबीच भेटवार्ता भएको छ । विहीबार (आज) साँझ शीतल निवास पुगेर प्रधानमन्त्री ओलीले राष्ट्रपति भण्डारीसँग भेटवार्ता गर्नुभएको हो ।

राष्ट्रपति र प्रधानमन्त्रीबीच नेपालको पछिल्लो राजनीतिक घटनाक्रमबारे छलफल भएको बताइएको छ । गत मंगलबार सर्वोच्च अदालतले प्रतिनिधिसभा पुनःस्थापना गरेपछि प्रधानमन्त्री ओली पहिलोपटक राष्ट्रपति भेट्न शीतल निवास पुग्नुभएको हो ।

उक्त भेटवार्तामा सर्वोच्च अदालतको फैसला, सरकारको काम कारबाही, प्रतिनिधिसभाको बैठक बोलाउनेलगायतका विषयमा छलफल भएको बताइएको छ ।

त्यसोत, सर्वोच्चले १३ दिनभित्र संसद बैठक बोलाउन सरकारलाई निर्देशन दिइसकेको छ ।