तराईमा चिसो हावा तथा बाक्लो शीतलहरका कारण जनजीवन कष्टकर

माघ १७, २०७७
0

शीतलहरका कारण तराईका जिल्लाहरुमा जनजीवन कष्ठकर बन्दै गएको छ । केही दिनदेखि दिउँसोपख घाम लाग्न छाडेर मौसम धुम्मिनुका साथै बिहान–बेलुका र रातको समयमा चिसो हावा तथा बाक्लो हुस्सु लाग्दा जनजीवन प्रभावित बनेको हो ।

बिहानैदेखि पर्ने शीतलहरले गर्दा तापक्रम झरेर ७ डिग्रीमा पुगेपछि सर्वसाधारणको दैनिकी समेत प्रभावित भएको छ।

चिसो बढ्दै गएपछि जिल्लाका केही विद्यालयहरु बन्द गरिएको छ । चिसो हावा र बाक्लो हुस्सु लागेपछि स्थानीयहरुले दिनभर आगो तापेर बिताउन थालेका छन् ।

चिसोले न्यानो कपडा नभएका अति विपन्न र दैनिक मजदुरी गरेर खाने दलित परिवार झनै प्रभावित बनेका छन् । बच्चा वृद्धवृद्धालाई पनि सचेत रहन चिकित्सकहरु आग्रह गरेका छन् ।