काठमाडौं उपत्यकामा १४२८ सहित देशभर थप २५७१ मा कोरोना पुष्टि, एकैदिन १७९८ संक्रमणमुक्त

कार्तिक २४, २०७७
0

पछिल्लो २४ घण्टामा काठमाडौ उपत्यकामा १४२८ सहित देशभर थप २५७१ मा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसँगै नेपालमा कोरोना भाइरस संक्रमितको कुल संख्या १ लाख ९७ हजार २४ पुगेको छ ।

उपत्यकाको काठमाडौंमा ११३६, भक्तपुरमा ९१ र ललितपुरमा २०१ जना संक्रमित भेटिएका हुन ।

यस्तै मन्त्रालयका अनुसार पछिल्लो २४ घण्टामा १७९८ जना संक्रमणमुक्त भएका छन् । योसँगै अहिलेसम्म संक्रमणमुक्त हुनेको संख्या १ लाख ५९ हजार ७२४ पुगेको छ ।

यस्तै पछिल्लो २४ घण्टामा १८ जनाको कोरोना संक्रमणबाट मृत्यु भएको छ । योसँगै नेपालमा कोरोना भाइरसबाट मृत्यु हुनेको संख्या ११२६ पुगेको छ ।