उपत्यकामा १५५२ सहित देशभर थप ३६३७ जनामा कोरोना पुष्टि, संक्रमणमुक्त हुने १ लाख नाघे

कार्तिक ६, २०७७
0

पछिल्लो २४ घण्टामा काठमाडौ उपत्यकामा १५५२ सहित देशभर थप ३६३७ जनामा कोरोना संक्रमण पुष्टि भएको छ । योसँगै देशभर संक्रमितको कुल संख्या १ लाख ४८ हजार ५०९ पुगेको स्वास्थ्य तथा जनसंख्या मन्त्रालयले जानकारी दिएको छ ।

उपत्यकाको काठमाडौका १२८३, भक्तपुरका ११२ र ललितपुरका १५७ जनामा संक्रमण पुष्टि भएको मन्त्रालयले जनाएको छ ।

यस्तै आज ३२१५ जना डिस्चार्ज भएका र हालसम्म निको भएर घर फर्कनेको कुल संख्या १ लाख २ हजार ८२० पुगेको मन्त्रालयले जानकारी दिएको छ ।