काठमाडौ उपत्यकामा २४०२ सहित देशभर थप ४३९२ जनामा कोरोना संक्रमण पुष्टि

एकैदिन ३५२२ संक्रमणमुक्त हुदा २१ को मृत्यु, मृतकको संख्या ७१५ पुग्यो

अशोज ३०, २०७७
0

पछिल्लो २४ घण्टामा काठमाडौ उपत्यकामा २४०२ सहित देशभर थप ४३९२ जनामा कोरोना संक्रमण पुष्टि भएको छ । योसँगै देशभर संक्रमितको कुल संख्या १ लाख २६ हजार १३७ पुगेको स्वास्थ्य तथा जनसंख्या मन्त्रालयले जानकारी दिएको छ ।

उपत्यकाको काठमाडौका १७८४, भक्तपुरका २४४ र ललितपुरका ३७४ जनामा संक्रमण पुष्टि भएको मन्त्रालयले जनाएको छ ।

यस्तै आज ३५२२ जना डिस्चार्ज भएका र हालसम्म निको भएर घर फर्कनेको कुल संख्या ८८ हजार ४० पुगेको मन्त्रालयले जानकारी दिएको छ ।

यस्तै पल्लिो २४ घण्टामा कोरोनाबाट थप २१ जनाको मृत्यु भएको छ । योसँगै देशभर कोरोनाबाट मृत्यु हुनेको संख्या ७१५ पुगेको छ ।