प्रदेश नम्बर ५ को नाम ‘लुम्बिनी’ र स्थायी राजधानी दाङको ‘देउखुरी’ राख्ने प्रस्ताव दुई तिहाईले पारित

अशोज २०, २०७७
0

प्रदेश नम्बर पाँचको नाम लुम्बिनी र स्थायी राजधानी ‘देउखुरी’ राख्ने प्रस्ताव दुई तिहाई मतले पारित भएको छ ।

प्रदेश सभामा आज भएको मतदानमा नामाकरण लुम्बिनी राख्ने प्रस्तावको पक्षमा ७९ मत परेको थियो । प्रस्तावको विपक्षमा ४ मत परेको थियो ।

यस्तै यस्तै स्थायी राजधानी देउखुरी राख्ने प्रस्तावको ६९ मत परेको छ भने विपक्षमा १३ मत खसेको छ ।

कूल ८७ प्रदेश सभा सदस्यहरु मध्ये आज ८३ सदस्य उपस्थित थिए ।

प्रदेश सरकारले प्रदेशको नाम लुम्बिनी र स्थायी राजधानी दाङको भालुवाङ बजारलाई केन्द्रमा राखेर राप्ती र गढवा गाउँपालिका तथा अर्घाखाँभीको शीतगंगा नगरपालिकालाई जाडेर स्थायी राजधानी बनाउने प्रस्ताव १६ असोजमा प्रदेशसभामा पेश गरेको थियो ।

प्रदेश सरकारले स्थायी राजधानी र नामाकरणको विषयमा टुंगो लगाउने प्रस्तावहरु माथि आज भएको मतदानसँगै नाम र राजधानीको निधो भएको हो ।