पर्सामा सेना, प्रहरी र कैदीबन्दीसहित ३४ जनामा कोरोना संक्रमण
- साउन १४, २०७७
- 0
वीरगञ्जमा थप ३४ जनामा कोरोना संक्रमण पुष्टि भएको छ । नारायाणी अस्पतालको पीसीआर प्रयोगशालामा गरिएको परीक्षणका क्रममा उनीहरुमा कोरोना संक्रमण पुष्टि भएको नारायणी अस्पतालका प्रमुख मेडिकल सुपरिटेन्डेन्ट डाक्टर मदन उपाध्यायले जानकारी दिए ।
‘२ देखि ६५ वर्ष उमेरका ३४ जनामा कोरोना संक्रमण देखिएको छ । जसमध्ये ५ जना बालबालिका र १० जना महिला छन्’ उनले भने -‘ आइसोलेसनको व्यवस्थापन अझै हुन सकेको छैन, होम आइसोलेसनमा लापरबाही भयो भने परिवारमा संक्रमण फैलन सक्ने जोखिम हुन्छ ।’
अस्पतालको प्रयोगशालाका अनुसार संक्रमित मध्ये २० जना वीरगञ्जकै छन् । वीरगञ्जको वडा नं ९, ५, ४, ११ श्रीपुर, आदर्शनगर, बेल्वा, भिश्वा, सिर्सियाका मानिसमा संक्रमण देखिएको हो । नेपाली सेनाका १ जना, ३ जना प्रहरी, ६ जना कैदीबन्दी, २ जना कारागारका कर्मचारी, १ जना स्वास्थ्यकर्मीमा कोरोना संक्रमण देखिएको हो ।
दुई दिन अघि वीरगञ्ज कारागारमा २२ जनाको स्वाब नमुना संकलन गरिएको थियो । कारागार भित्र रहेका दिर्घ रोगी, जेष्ठ कैदी १२ जना, अग्रपंक्तिमा रही काम गर्ने ड्राइभर, कर्मचारी, सुरक्षाकर्मी समेत २२ जनाको स्वाब नमुना संकलन गरिएको थियो ।
कैदी बन्दीमा संक्रमण देखिएपछि उनीहरुलाई कसरी राख्ने भन्ने समस्या भएको उपाध्यायको भनाइ छ । ५० बेड क्षमताको अस्थायी कोरोना विशेष अस्पताल गण्डकमा ६२ जना कोरोना संक्रमितलाई राखिएको छ । जसमध्ये ५ जना आइसीयुमा रहेको उपाध्यायको भनाइ छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
