कोशी ब्यारेजमा पानीको बहाव उच्च, सतर्क रहन सप्तरी र सुनसरीवासीलाई आग्रह
- साउन ६, २०७७
- 0
पहाडी क्षेत्रमा भएको अविरल वर्षासँगै सप्तकोशीमा पानीको बहाव निकै बढेपछि त्यसको आसपास बसोबास गर्ने नागरिकहरुलाई सर्तक रहन आग्रह गरिएको छ ।
मंगलबार बिहान गरिएको मापनअनुसार सप्तकोशीको ब्यारेजमा पानीको बहाव प्रतिसेकेन्ड ३ लाख ४२ हजार ९७० क्युसेक पुगेको र ब्यारेजका ५६ मध्ये ४७ वटा ढोका खोलिएको ब्यारेज कन्ट्रोल रुमले जानकारी दिएको छ ।
पानीको बहाव बढेसँगै सप्तरी र सुनसरी सीमामा बस्नेहरुलाई स्थानीय प्रशासनले सतर्क रहन भनेको छ । जलस्तर बढेपछि बाँध भत्काउने र पानी ओभरफ्लो भएर बस्तीमा पस्ने खतरा हुन्छ । चतरामा पानीको सतह घटेकोले मंगलबार दिउँसोदेखि भने ब्यारेजमा पनि पानीको सतह घट्ने अनुमान गरिएको छ ।
चीनमा रहेको केरुङ च्छो ताल फुट्ने चेतावनी सँगै सुनसरी र सप्तरीमा कोशी किनारमा समेत त्रास छाएको छ । फुटेपछि भोटेकोसीमा मिसिने तालको पानी सप्तकोशी नदीमा मिसिने भएकोले यस क्षेत्रका स्थानीयमा नदी एक्कासी बढ्ने त्रास छाएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
