सुर्खेतमा मृत्यु भएका युवकमा कोरोना भएको पुष्टि, मृतकको संख्या ११ पुग्यो
- जेष्ठ २३, २०७७
- 0
सुर्खेतमा कोरोना संक्रमणका कारण एक जना युवाको मृत्यु भएको छ । योसँगै कोरोनाका कारण मृत्यु हुनेको संख्या ११ जना पुगेको छ ।
जेठ ७ गते भारतबाट फर्किएर जनता मावि विद्यापुरको क्वारेन्टीनमा बसेका पञ्चपुरी नगरपालिका वडा १ हाँसे गाउँका २० बर्षिय ती युवाको क्वारेन्टीनबाट घर फर्किएलगत्तै विहिबार बिहान २ बजेतिर एक्कासि मृत्यु भएको थियो ।
उनी घर फर्किएपछि गाउँमै रहेको सामुदायिक भवनमा बसेको र उनको त्यही मृत्यु भएको हो । यसअघि घर फर्कदा गरीएको आरडिटी टेस्टमा उनको नतिजा नेगेटिभ आएको थियो । उनको मृत्यु भएपछि बिहिबार स्वाव संकलन गरेर पिसिआर परीक्षणका लागि वीरेन्द्रनगर ल्याइएकोमा उनमा कोरोना संक्रमण पुष्टी भएकोसामाजिक विकास मन्त्रालयका स्वास्थ्य सेवा महाशाखा प्रमुख डा लक्ष्मी नारायण तिवारीले जानकारी दिए ।
उनको शव स्थानीय पालिकासँग समन्वय गरेर नेपाली सेनाले व्यवस्थापन गर्ने तयारी गरिएको तिवारीले बताए । ती युवाको मृत्युको स्वास्थ्य तथा जनसंख्या मन्त्रालयले भने आधिकारीक रुपमा पुष्टि गर्न बाकी नै छ ।
यस अघि विहिबारै पाल्पाका एक जना ४५ वर्षीय पुरुषको पनि कोरोनाका कारण ज्यान गएकाे थियो ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
