थप २० जनामा कोरोना संक्रमण पुष्टि, संक्रमितको संख्या ५०७ पुग्यो

जेष्ठ ९, २०७७
0

नेपालमा थप २० जनामा कोरोना भाइरस (कोभिड १९) संक्रमण पुष्टि भएको छ । यससँगै संक्रमितको संख्या ५०७ पुगेको छ ।

पछिल्लो पटक डडेलधुराका १, वैतडीका १, कैलालीका ३, बाकेका १४ र मोरङका १ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।

डडेलधुराको पराशुराम १० का २८ वर्षीय पुरुष, वैतडीको शिवनाथ १ का २२ वर्षीय पुरुष, कैलाली जानकी गाउँपालिकाको सरस्वती माविको क्वारेन्टाइनमा रहेका १९, २३ र २६ वर्षका पुरुष तथा बाँकेको राप्ती सोनारीका २५ वर्षीय पुरुष तथा नरैनापुरका १३ जनामा संक्रमण भेटिएको हो । यस्तै मोरङको रतुवामाई २ का १ जनामा पनि संक्रमण पुष्टि भएको छ ।