शनिबार थप २ जनामा कोरोना संक्रमण, धुलिखेल अस्पतालमा मृत्यु भएकी महिलाको परीक्षण जारी

जेष्ठ ३, २०७७
0

शनिबार अपरान्ह काभ्रेका १ जनासहित थप २ जनामा कोरोना संक्रमण पुष्टि भएको छ । आजै मात्र योसहित ११ जनामा संक्रमण भेटिएको हो ।

काभ्रेका २६ वर्षिय पुरुष र महोत्तरीका ५२ वर्षिय पुरुषमा कोरोना संक्रमण पुष्टि भएको स्वास्थ्य मन्त्रालयले जानकारी दिएको छ ।

यसअघि काभ्रेको धुलिखेल अस्पतालमा मृत्यु भएकी भनिएकी सिन्धुपाल्चोककी २६ वर्षिय महिलाको परीक्षण कार्य जारी रहेको र उनको मृत्यु कोरोनाका कारण भएको हो या होइन भन्ने अध्ययन गर्न स्वास्थ्य मन्त्रालयका प्रतिनिधी धुलिखेल अस्पताल पुगेको पनि मन्त्रालयले जानकारी दिएको छ ।

योसँगै कोरोना संक्रमितको संख्या २७८ पुगेको छ ।