बाग्लुङकी १९ वर्षिया युवती उपचारपछि घर फर्किइन, चितवनका युवकलाई डिस्चार्जको तयारी
- बैशाख १३, २०७७
- 0
कोरोना संक्रमणको उपचार गराइरहेकी बाग्लुङकी १९ वर्षिया युवती कोरोना मुक्त भएर अस्पतालबाट घर फर्किएकी छिन ।
धवलागिरि अञ्चल अस्पतालमा उपचार गराइरहेकी उनी कोरोनामुक्त भएपछि शुक्रबार बेलुका अस्पतालले डिस्चार्ज गरेको हो । उनी चैत ४ गते बेल्जियमबाट कतार एयरवेजको विमान हुँदै नेपाल आएकी थिइन् । उनको चैत १५ गते कोरोना सङ्क्रमण पुष्टि भएको थियो ।
योसँगै उपचारपछि घर फर्कनेको संख्या पनि ११ जना पुगेको छ ।
यस्तै भरतपुर अस्पतालमा कोरोना संक्रमणको उपचार गराइरहेका चितवनका एक युवक पनि कोरोना भाइरसमुक्त भएपछि अस्पतालले डिस्चार्जको तयारी गरेको बुझिएको छ ।
चैत्र ५ गते बेलायतबाट नेपाल फर्किएका चितवनका आमाछोरामा बैशाख ५ गते कोरोना संक्रमण पुष्टि भएको थियो । ती युवकको पछिल्लो २ परिक्षणमा नेगेटिभ रिपोर्ट आएकाले उनलाई डिस्चार्ज गर्ने तयारी गरिएको अस्पतालले जनाएको छ । तर उनकी आमाको भने पोजेटिभ नै रिपोर्ट आएकाले उनको थप उपचार जारी रहने बताइएको छ ।
0 प्रतिक्रिया
संखुवासभा समाज हङकङद्वारा प्रधानमन्त्री राहत कोषमा ८ लाख सहयोग
संखुवासभा समाज हङकङले प्रधानमन्त्री राहत कोषमा आठ लाख रुपैयाँ सहयोग गरेको छ।. बाढीपहिरो पीडितको उद्धार तथा पुनःस्थापनाका लागि यो आर्थिक सहयोग गरिएको हो।
मुग्लिन-नारायणगढ सडक अनिश्चितकालका लागि बन्द
काठमाडौं । जिल्ला प्रशासन कार्यालय चितवनले लगातारको वर्षा र पहिरोका कारण नारायणगढ–मुग्लिन सडक बन्द गरिएको जनाएको छ । प्रशासनले आज […]
पहिरोका कारण बीपी राजमार्ग बन्द
रामेछाप । रातभर परेको अविरल वर्षाका कारण पहिरो खसेपछि बीपी राजमार्ग बन्द भएको छ । वर्षाका कारण सडकमा लेदो तथा […]
