सरकारले लकडाउनको समयावधि लम्ब्यायो, बैशाख ३ सम्म जारी रहने

रोजगारमञ्च
चैत्र २४, २०७६
0

सरकारले कोरोना संक्रमण फैलन नदिन लकडाउनको समय पुन ८ दिन थप गरेको छ । सोमबार अपराह्न बसेको मन्त्रिपरिषद्को बैठकले जारी रहेको लकडाउन बैशाख ३ सम्म लम्ब्याउने निर्णय गरेको हो ।

यस अघि सरकारले पहिलो पटक चैत ११ बाट १८ गतेसम्मका लागि लकडाउन घोषणा गरेकोमा त्यसलाई थप गरेर चैत्र २५ गतेसम्म लक्ब्याएको थियो । तर, यो अवधिमा थप कोरोना संक्रमित भेटिएपछि सरकारले पुन : दोश्रो पटक लकडाउनको म्याद थपेको हो ।

यसअघि आइतबार बसेको कोरोना रोकथामसम्बन्धी उच्चस्तरीय समितिको बैठकले लकडाउनको अवधि थप गर्न मन्त्रिपरिषदलाई सिफारिस गरेको थियो ।