रातो मच्छिन्द्रनाथको रथयात्रा आजबाट सुरु हुँदै

बैशाख २२, २०७६
0

रातो मच्छिन्द्रनाथको रथयात्रा आज आइतबारबाट सुरु हुँदैछ । आज अपराह्न ललितपुरको टंगालबाट रथायात्रा सुरु गरिने भएको हो । रातो मच्छिन्द्रनाथलाई टंगालबाट बाजासहित पुल्चोक लगिनेछ । त्यसपछि विधिपूर्वक पूजा गरी रथारोहण गरेपछि रथयात्रा सुरु हुनेछ ।

मच्छिन्द्रनाथको रथलाई लिन मीननाथको रथ पुल्चोक पुगेपछि मच्छिन्द्रनाथ र मिननाथको दुवै रथ तान्न सुरु गरिन्छ । रातो मच्छिन्द्रनाथको रथमा नौवटा खट हुन्छन् भने मीननाथको रथमा १० वटा खट हुन्छन् । गाबहालसम्म मच्छिन्द्रनाथको रथको अघिअघि मीननाथको रथ तानिन्छ ।

यही वैशाख २५ गते स्थानीयले रथलाई पुल्चोकबाट तानेन गाबहाल र्पुयाउनेछन् । गाबहाल पुगेपछि मच्छिन्द्रनाथको रथलाई अगाडि राखेर नगर परिक्रमा गराउने परम्परा छ । रथलाई जेठको तेस्रो हप्तासम्ममा जावलाखेल पु¥याउने गुठी सस्थानले जनाएको छ । रथ जावलाखेल पुगेको चौथो दिन भोटो देखाएर यात्रा समापन गरिन्छ ।